Бұл атаулы күн 1984 жылдан бастап аталып келеді. Ол 1983 жылы ЮНЕСКО жанындағы ICOMOS (Халықаралық ескерткіштер мен көрнекті орындарды қорғау кеңесі) ассамблеясының шешімімен бекітілген.
Негізгі мақсаты - тарихи-мәдени мұраны сақтау, тарихи ескерткіштерді қорғау және қоғамның назарын осы маңызды салаға аудару.
Бүгінде Шымкент қаласында 188 тарихи-мәдени мұра нысаны бар. Оның ішінде археологиялық ескерткіштер, сәулет нысандары, киелі орындар мен монументтік өнер туындылары — барлығы да бай тарихымыздың үнсіз куәсі.
Осы құндылықтарды сақтап, ұрпаққа жеткізу жолында еңбек етіп жүрген барша мамандарды кәсіби мерекелерімен шын жүректен құттықтаймыз!
Еңбектеріңіз еленіп, тарихи мұрамыз әрдайым жаңғыра берсін!
